Бүгін І.Жансүгіров атындағы мәдениет сарайының ұйымдастыруымен

Мұқағали Мақатаевтың шығармашылығына арналған "Әр өлеңі - бір әлем" - атты музыкалық - поэзиялық кеш өтті. "Барлығы да Поэзия, сен үшін" - деп әдебиет патшалығының ғажайып ханзадасы, бірегей сардары ретінде салтанат құрған Мұқағалидың құдіретті өлеңдері біздің жүрегімізде.

Кешті жүргізген І.Жансүгіров атындағы Мәдениет сарайының көркемдік жетекшісі Әділжан Нүсіпжанұлы Ғұмаров.

Дөңгелек үстелге:

• Қазақстанның еңбек сіңірген қайраткері, композитор-дирижёр Әли Алпысбаев;
• Композитор, Қазақстан Республикасының мәдениет қайраткері, М.Төлебаев атындағы халық аспаптар оркестрінің аспапшы әртісі Өмірсерік Арапов;

• Жетісу Мемлекеттік Унивеситетінің «Құрметті профессоры», ақын Ғабит Тұрсынбай;
• Қазақстан Республикасының Мәдениет қайраткері, Қазақстан Республикасының Ақпарат саласының үздігі , ақынның жерлесі Жұматай Оспанұлы;
• Қазақстан ақын-жазушылар одағының мүшесі, ақын Жангелді Немеребай;
• Республикалық, облыстық мүшайралардың жеңімпазы "Алғыс" өлеңдер жинағының авторы, ақын Азамат Нұрмұхан қатысты.

"Жетісу виртуоздары" ансамблінің сүйемелдеуімен Мұқағали ақынның әндері орындалып, өлеңдері оқылды.